அறநெறி அறிவு நொடி

கே. ஈஸ்வரலிங்கம் தலைவர் / ஸ்தாபகர் தமிழர் நற்பணி மன்றம்

ஆயகலைகள் அறுபத்து நான்கு


7229. ஆயகலைகள் அறுபத்து நான்கையும் அருளிச் செய்தவர் யார்?
கல்விக்கு அதிபதியான சரஸ்வதி.


7230. ஆயகலைகள் அறுபத்து நான்கையும் தருக.

அகர விலக்கணம், இலிதம், கணிதம், வேதம், புராணம், வியாகரணம், நீதி சாஸ்திரம், ஜோதி சாஸ்திரம், தரும சாஸ்திரம், யோக சாஸ்திரம், மந்திர சாஸ்திரம், சகுன சாஸ்திரம், சிற்ப சாஸ்திரம், வைத்திய சாஸ்திரம், உருவ சாஸ்திரம், இதிகாசம், காவியம், அலங்காரம், மதுர பாடணம், நாடகம், நிருத்தம், சத்தப்பிரமம், வீணை, வேணு, மிருதங்கம், தாளம், அஸ்திரப்பரீட்சை, கனகப் பரீட்சை, இருதப் பரீட்சை, கஜப் பரீட்சை, அசுவப்பரீட்சை, இரத்தினப் பரீட்சை, பூமிப் பரீட்சை, சங்கார மவிலக்கணம், மல்யுத்தம், ஆகருடணம், உச்சாடணம், வித்து வேடணம், மதன சாஸ்திரம், மோகனம், வசீகரணம், இரவசாதம், காந்தருவ வாதம், பைபீலவாதம், கவுத்துகவாதம், தாதுவாதம், காரூடம், நட்டம், முட்டி, ஆகாயப் பிரவேசம், ஆகாயஸ் தம்பம், பரகாயப் பிரவேசம், அதிரிசியம், இந்திரஜாலம், மகேந்திர ஜாலம், அக்கினி ஸ்தம்பம், ஜல ஸ்தம்பம், வாயு ஸ்தம்பம், திட்டி ஸ்தம்பம், வாக்கு ஸ்தம்பம், சுக்கில ஸ்தம்பம், கன்ன ஸ்தம்பம், கடக ஸ்தபம், அவஸ்தைப் பிரயோகம்.


7231. அகரவிலக்கணம் என்பது என்ன?
எழுத்துக் கூட்டும் பயிற்சி.


7232. இலிதம் என்பது என்ன?
கையெழுத்துப் பயிற்சி


7233. கணிதம் என்பது என்ன?
எண் பயிற்சி


7234. வேதத்திற்கு பொருள் யாது?
இந்து நெறி.


7235. புராணத்தால் குறிப்பிடப்படுவது யாது?
இந்துக்கடவுளின் வரலாறு


7236. வியாகரணம் என்பது என்ன?
இலக்கணம்


7237. நீதி சாஸ்திரம் என்பது எதனை?
நீதி அறிவுத்திறனை.


7238. ஜோதிடத்திறனை என்னவென்று அழைப்பார்கள்?
ஜோதிட சாஸ்திரம்.


7239. தரும சாஸ்திரம் என்பது என்ன?
சட்டத்திறன்.


7240. யோக சாஸ்திரத்தின் மூலம் எதனை அறிந்துகொள்ளலாம்?
யோகப் பயிற்சிகளை.


7241. வேதத்தின் நடைமுறைப் பயிற்சிகளை எதன் மூலம் அறிந்துகொள்ளலாம்?
மந்திர சாஸ்திரம் மூலம்.


7242. சகுன நிமித்தம் பற்றி அறிய எதை கற்றுக்கொள்ள வேண்டும்?
சகுன சாஸ்திரத்தை


7243. சிலை அமைக்கும் பயிற்சிகளை பெற கற்றுக்கொள்ள வேண்டியது எதை?
சிற்ப சாஸ்திரம்


7244. வைத்திய சாஸ்திரம் எதனைக் கூறுகின்றது?
மருந்துகள், நோய் பற்றிய அறிவுகளை


7245. சாமுத்திரிகா இலட்சணம் பற்றி எதில் அறிந்துகொள்ளலாம்?
உருவ சாஸ்திரத்தில்

7246. உருவசாஸ்திரம் என்பதன் பொருளாக எதனைக் கொள்ளலாம்?
உருவத்தால் அறிதலை.

7247. சரித்திர அறிவுகளை பெற எதனை படிக்கலாம்?
இதிகாசங்களை.