அறநெறி அறிவு நொடி

கே. ஈஸ்வரலிங்கம்

தலைவர் / ஸ்தாபகர்,

தமிழர் நற்பணி மன்றம்


பஞ்சாங்கம்

8261) இந்துக் கால கணிப்பு முறையின்படி கணிக்கப்படுகின்ற கால அட்டவணை என்று எதனை கூறுவார்கள்?

பஞ்சாங்கத்தை

8262) பஞ்சாங்கம் என்பது எந்த மொழிச் சொல்?

வட மொழிச் சொல்

8263) பஞ்சாங்கம் என்பதன் பொருள் என்ன?

(பஞ்ச + அங்கம் = பஞ்சாங்கம்)

ஐந்து உறுப்புகள் எனப் பொருள்படும்

8264) பஞ்சாங்கம் பெரிதும் பயன்படுவது எதற்கு?

சமய சம்பந்தமான விடயங்களுக்கும் சோதிடக் கணிப்புகளுக்கும்.

8265) பஞ்சாங்கம் கொண்டிருக்கும் ஐந்து உறுப்புகளும் எவை?

வாரம், திதி, கரணம், நட்சத்திரம், யோகம்

8266) இந்த ஐந்து உறுப்புக்களும் எவற்றுடன் தொடர்புடைய அம்சங்களாகும்?

மரபு வழிக் கால அளவீடுகளுடன்

8267) வாரம் எனும் அம்சத்துக்குள் அடங்குபவை எவை?

ஞாயிறு, திங்கள், செவ்வாய், புதன், வியாழன், வெள்ளி, சனி கிழமைகள்.

8268) பூமியைச் சுற்றியுள்ள சுற்றுப் பாதையின் 30 சம கோணப் பிரிவுகள் ஒவ்வொன்றையும் சந்திரன் கடக்க எடுக்கும் காலத்தை குறிப்பது எது?

திதி

8269) அமாவாசையில் இருந்து பூரணை வரையான காலத்தை என்ன காலம் என்று கூறுவார்கள்?

வளர்பிறை

8270) வளர்பிறை காலத்திற்குரிய திதிகள் எத்தனை?

14

8271) பூரணை தொடக்கம் அமாவாசை வரும் வரையான காலத்தில் எத்தனை திதிகள் வருகின்றன?

14

8272) வளர்பிறை காலத்தில் வரும் திதிகளை என்னவென்று அழைப்பர்?

சுக்கில பட்சத் திதிகள்

8273) மற்றைய தொகுதி திதிகளை என்னவென்று கூறுவர்?

கிருஷ்ண பட்சத் திதிகள்

8274) சுக்கில பட்சத்தில் வரும் திதிகளின் பெயர்களைத் தருக?

அமாவாசை, பிரதமை, துதியை, திருதியை, சதுர்த்தி, பஞ்சமி, சஷ்டி, சப்தமி, அட்டமி, நவமி, தசமி, ஏகாதசி, துவாதசி, திரயோதசி, சதுர்த்தசி